Supper Moment恨角色大兜亂
樂隊Supper Moment（SM）日前在銅鑼灣鬧巿拍攝新歌《LOVE is NEARBY》MV，新歌以聖誕節為創作靈感，今次同樣採用長鏡頭的連接手法拍攝，希望能讓樂迷感受不一樣的聖誕氣氛。談及歌曲創作靈感時，主音Sunny說：「呢首係我哋第一首嘅聖誕歌曲，創作嗰陣我哋身處內地作巡迴表演，喺酒店房諗起香港熱鬧嘅銅鑼灣鬧市，令人懷念人來人往嘅街道聖誕燈飾。」
成員又大讚阿雞的音樂才華：「編曲嘅部分其實係由佢即興結他演奏時無意間彈出，我哋一聽就好鍾意。」CK更大爆新歌加插小部分由阿雞演繹的鋼琴伴奏，SM笑言希望將來成員間能互相交換崗位，例如阿雞打鼓、CK主唱、阿達負責結他。