係愛呀！唐寧與閨蜜共浴
藝人唐寧、何思諺及蔣祖曼前晚出席電影首映，電影以姊妹情做主題，唐寧表示有一位小學一年班開始認識的閨蜜，感情維繫至今：「我哋好似一家人，就算好耐唔搵都冇嘢，一搵番就好熟。（生完BB都有閨蜜旅行？）會呀！友情都好似拍拖咁，要Keep住！（覺得女仔之間嘅感情比男仔深厚？）可能女仔好早熟，會形影不離，我哋以前會一齊入同一格廁所，一齊沖涼。（有冇懷疑過自己取向？）冇，但真係帶着愛，會緊張佢嘅所有嘢。」
同場的駱胤鳴與家姐駱胤樺前後腳到場，問到姊妹間最窩心的事，她表示有次家姐為她下廚煮麵，讀書時自己打籃球拗柴，家姐會讓出較大及較方便的下格床給她，令她很感動。