周奕瑋推介「瀛」食鄭裕玲激讚

「日本達人」周奕瑋主持的旅遊節目《周遊東京2》熱播中，他透露完成拍攝工作回港，鄭裕玲（嘟嘟）已即時在社交網幫手「賣廣告」，激讚他推介的龍蝦拉麵。他笑說：「嘟姐話我知佢去東京玩幾日，我正為節目做緊資料搜集，就寫低咗啲地方同美食推介畀佢。」他承認有想過出旅遊書，以旅行相配心路歷程寫短文。
周奕瑋、鄭裕玲
周奕瑋、鄭裕玲

提到拍攝過程，他表示笑中有淚：「最難忘係我帶隊去當年留學經常光顧嘅料理店，間舖頭由一對老夫婦開嘅，想帶大家去重溫當年求學嘅情懷，出發前去信被婉拒，抵埗後去到，老夫婦已經唔認得我，但大家傾偈傾傾吓喊晒，老太太就答應受訪，仲話我係第一個。」

周奕瑋主持的旅遊節目大受歡迎。
  • 周奕瑋主持的旅遊節目大受歡迎。