鄭希怡數口差難做女強人

藝人鄭希怡（Yumiko）及陳逸璇（Jolie）昨日出席餐廳開幕，問到可有意開餐廳？Yumiko說：「成日都有諗，但當我做咗衫嘅生意後，發覺好多嘢要兼顧，要花好多時間，我計數又比較弱。其實我未入行之前夢想做女強人，近幾年實現咗夢想就覺得唔簡單。（搵老公幫手？）唔得o架，會嗌交，佢可以畀意見，但唔好一齊做生意，不過其實佢都鍾意煮嘢食嘅。」又笑指老公最近愛煙熏：「成日喺屋企劈柴，我都送咗份禮物畀佢，係一個『煉丹爐』，即係燒烤爐，我成日可以返屋企試食。」