陳瀅髮臭攻暈蔡思貝

陳瀅出席活動前專登洗頭，以示尊重。

藝人陳瀅昨日到鑽石山荷里活廣場出席頭髮乾洗產品活動，身為宅男女神的她自爆不喜歡洗頭：「出嚟之前專登洗頭，但對上一次洗頭已經係六日前嘅事。」並笑言：「依家拍緊兩套劇，已經冇時間休息，所以會放棄洗頭，沖涼可以好快，兩分鐘搞掂，但洗完頭又要吹，要半個鐘以上先可以瞓覺，所以我情願瞓多啲。」

保持天然油分

她又稱最高紀錄是冬天到莫斯科拍攝節目時，十多日沒洗頭，因當地天寒地凍，頭髮不會「黐立立」，平時則三日洗一次頭：「自己唔係油性頭髮，咁樣可以保持住頭髮嘅天然油分，唔會令頭髮好乾，對我嚟講係適合。」

問到經常不洗頭會否嚇親男士？她笑說：「男仔唔知嘅，但係有次影相，蔡思貝企喺我後面聞到有陣味，佢問：『陳瀅你幾耐冇洗頭？』嗰張相影出嚟佢個樣怪怪地，哈哈！」

黃翠如	蔡思貝（左）試過聞完陳瀅秀髮，即刻變臉。