張慧儀：佢做咗3日冷凍人！

張慧儀早前透露患先天性心臟病的養子Hanson要做心臟大手術，為了應付近百萬元的醫藥費，更需積極賺錢。昨日她在社交網報喜，宣布養子的手術成功！除了上載一幅寫有「感恩」二字的圖畫，並發長文講述囝囝入院時的情況。

甦醒唔認得人

她表示10月初Hanson入院進行Fontan心臟手術，她深深體會到「如坐針氈、切膚之痛、坐立難安」的感受，寫道：「由於Hanson的手術比預期中困難，手術後也需要較長的時間甦醒及回復意識。在Hanson甦醒後卻意識模糊，連我是誰也不知道的那段時間，我內心的忐忑、惶恐，真的非筆墨能形容！」

漸康復可自行進食

她昨日接受本報電話訪問時表示：「Hanson做手術時，發現有好多不規則血管增生，完成手術後，做咗三日冷凍人，當時完全要靠佢自己嘅意志先可以甦醒番，即使醒咗，佢嘅狀態都係迷糊嘅，例如好似睜大眼但冇焦點，呢個情況持續咗十幾二十日，跟住佢就慢慢康復喇！依家進展理想，可以落床同自行進食！」

張慧儀續指Hanson手術順利完成，衷心多謝所有醫護人員，她亦將再停工兩星期，方便照顧囝囝，又說：「多謝我媽媽專程由馬來西亞飛嚟香港幫手，不過佢只可以再留多一星期咋！今次囝囝出咗院，算大步檻過，我都已經好感恩。」