楊明60小時唔瞓狂露點
前晚在密會胡㻗之前，劉穎鏇（Tiffany）風騷現身無綫新劇《兄弟》飯局，與藝人楊明及伍允龍等同劇演員齊齊睇首播，在外國讀書的Tiffany談到首次拍劇時，更用如急口令的速度以英文作答，場面搞笑。
新劇開播，伍允龍與楊明均坦言沒有壓力，前者更有不少動作場面發揮，問到拳腳冇眼可有人受傷？楊明笑言：「佢係會留一啲距離，佢以為唔會傷到人，其實淨係佢啲拳風已經好驚，啲拳頭打到埋嚟都練到唔眨眼。」伍允龍則自嘲兄弟當中他最悠閒，有時想約楊明出來食飯都未有時間：「之前開工，當我返咗屋企三次，每次我再返到開工場地都見到佢，原來佢未走過，真係唔知佢點有精神講對白。」楊明則坦言試過60小時沒睡覺，連沖涼都沒時間。問可會以收視高作打賭？他說：「我哋呢個劇組一高興就除吓衫，劇入面我哋已經露咗好多點。」問到是否大家都「有點露」？伍允龍笑言：「點數好高啦！」