產後速減30磅利嘉兒呻湊女被「家暴」

藝人利嘉兒昨日出席開幕活動，誕女才個半月的她直言收身快得驚人：「兩星期減咗30磅，仲差幾磅就返番做女嗰時嘅體重。」她笑言未感受到「湊B會瘦」，因現時仍有陪月幫手，但笑言對方一放假，自己就由天堂跌落地獄：「仲要畀人『家暴』！囡囡一喊就亂抓，BB啲指甲好利，我塊面同頸都畀佢抓損過。」
利嘉兒揚言收身成績理想。
利嘉兒揚言收身成績理想。

同場的蔣怡身形弗爆，她透露第二胎是「不小心」，現決定封肚，認為有兩個健康的小朋友已足夠。問到大女可有呷弟弟醋？她說：「佢好錫細佬，成日話全世界最錫嗰個係細佬。佢呷醋但唔會表現出嚟，試過匿埋喊，因為佢知道唔應該，我見到仲心痛，會辛苦啲陪佢多啲。」

蔣怡講到明不再生B。
  • 蔣怡講到明不再生B。