劉溫馨焗變宅女睇男男三級漫畫
無綫藝人劉溫馨近日接連拍攝電視劇《救妻同學會》及《機場特警》，可謂忙個不停，不過早已視片廠為家的她愈忙愈起勁，與台前幕後打成一片！她於《救》劇扮演一名宅女，打扮不修邊幅，她說：「我本身唔鍾意睇漫畫，不過角色就講我成日睇，仲要睇埋啲依家好流行嘅三級漫畫，畫出嚟嘅全部都係男男床戲，畫到好真嘅，所以喺片場我一揭開漫畫，就有好多人喺我隔籬，好搞笑！」
而日前拍攝一場打邊爐戲份，各演員竟然空着肚等埋位：「當時一開火，大家就放晒啲道具食物落去滾，仲要愈食愈起勁，直情好似當真係開飯咁，都幾好玩。」她表示今次與朱智賢、劉佩玥等年紀相若的靚女合作，一班年輕人開工建立了不錯的友情，可謂意外收穫。
