前港姐「有愛」曾經係一線花旦親生女，乖巧聽話加上實力演技，擁有唔少粉絲追捧，之後仲進軍內地市場，吸金能力超高！不過人紅自然姿態高，已經冇咗昔日嘅「有愛」精神，仲使人唔使本，當咗助手係工人私有化，做嘅完全超出助手工作範圍。平日除咗照顧「有愛」及要幫佢老公買嘢，竟然仲要服侍埋「有愛」嘅奶奶管接送！其實「有愛」賺咁多錢，絕對有能力請多個工人，都唔知話佢慳家定刻薄好，據知助手嘅月薪都只係萬一蚊，冇OT錢之餘，假期亦唔多，都算係十大辛勞工作之一咯！
