麥景榕鬥嘴增進母女情視父如陌路人

再有星二代強勢殺入娛樂圈，陳復生女兒麥景榕（Michel）為無綫資訊節目《一帶一路醫藥行》擔任嘉賓主持，樣子清秀甜美，有「律師版劉亦菲」之稱。24歲的Michel剛大學畢業，問到是否有意做幕前？她說：「我未試過其他嘢，但做主持好好玩，都想試演戲，讀書時有人搵拍戲，但我想專注讀書先。（如果入行會唔會浪費讀咁多年法律？）我都唔知點選擇，律師我都鍾意，所以會試吓先。（兩者兼顧？）我係比較專注嘅人，會一樣樣嚟。」雖然媽咪是該節目主持，但兩母女沒有同鏡出現，問到媽咪有否教兩招？她說：「冇，我係婆婆教，媽咪以前都係婆婆教，佢係我哋嘅軍師，婆婆以前做過播音員，好有口才，佢教我哋做主持最重要自然，就會生動。」她指做此節目令她更了解中國文化、中醫藥歷史：「我唔係讀歷史，以前好多都唔識，依家了解深咗，對醫藥都興趣大咗。（以前有冇諗過讀醫科？）中學揀科想話理科，都有諗過讀醫，但婆婆話人生已經要經歷好多唔開心嘅嘢，呢個職業太偉大，唔好再分擔人哋嘅傷痛。」

一出世就冇同父母住

對於一般家庭來說，Michel的家族比較複雜，嫲嫲十姑娘何婉琪的戀情，或與胞兄何鴻燊的爭拗曾被大肆報道，加上2009年Michel父母離婚，之後還對簿公堂，她自認家庭背景某程度上與眾不同，但完全沒有影響成長：「由細到大都同婆婆、太婆住，就算爹哋媽咪未離婚都係。（冇同父母住唔覺奇怪？）當你一出世就咁樣，就唔覺奇怪，我覺得係特別，同其他小朋友相比，某程度係幾與眾不同。（爹哋家族有冇令你有壓力或者無所適從？）咁又冇，婆婆有咩都會同我解釋，同埋我每日都會見到媽咪，爹哋就由細到大都少見，對佢冇咩印象，佢哋離婚後都冇見過。」

Michel表示沒諗過改姓，去到邊她都是叫麥景榕。	Michel自言身邊從不缺愛。	何東舜銘

雖然如此，但Michel並不覺缺乏愛，她表示身邊錫她的人眾多，婆婆、太婆，還有契爺、契媽，而與媽咪感情更似姊妹：「媽咪似朋友、似姊妹，我哋會成日寸大家，佢唔嚴格，亦唔逼我讀書，我做咩都好支持。」父母的離婚、財產官司，她表示從沒有給予意見，並說：「我讀法律，但唔揀讀離婚官司，對呢方面冇咩興趣，亦冇留意佢哋官司，媽咪有自己嘅律師團隊。」

擔任電視資訊節目主持，令Michel增廣見聞。	畢業咁大件事，婆婆梗要見證。	Michel指家族背景沒有對其成長造成影響。

嫲嫲「永遠都咁靚」

雖然真的少見，但Michel亦不會刻意安排與爹哋相聚，至於爹哋改姓何東，會否跟隨？她說：「佢有佢選擇，佢鍾意改就改，但對我嚟講只係一個名、一個稱呼，我冇諗過改，到依家都叫麥景榕。（佢有冇提議過你改？）唔記得，冇咩印象。」提到嫲嫲何婉琪，Michel說：「以前都有見，同佢食飯，佢喺我心目中永遠都係咁靚，而且好和善、好錫我。」並坦言十分掛念嫲嫲，對她的離世亦是從報章上得知，感到難過。