藝人孫慧雪、柯嘉琪前晚為開幕活動擔任嘉賓，雪雪透露正同時忙於拍劇集《機場特警》及《殺手》：「年幾冇做嘢，依家咁忙。（放低個仔開工？）係呀，好唔捨得！每日返工前BB都會捉住我，好彩最近都係夜廠，可以同老公分工，湊完B再開工。試過成個星期見唔到囝囝，每日返到屋企佢都瞓緊覺，聽到佢發夢都叫媽媽，搞到我兩行眼淚！」
另外，藝人楊玉梅前晚出席電影活動，透露拍攝《機》劇時怒摑雪雪：「事前同佢講會用乜角度，大家配合。佢好好叫我真打唔好就力，但係我覺得好慘，佢真係好專業。」
