城城恨做導演黑夜飛車
【特派記者陳永峯澳門報道】「影帝」郭富城昨日以大使身份，到澳門出席「第三屆澳門國際影展暨頒獎典禮」，頒獎禮將於12月14日在當地文化中心舉行。他表示希望藉影展推動電影新力量，栽培新人，並透露想做導演：「自己諗咗個故事想拍成電影，希望可以喺賽車跑道上，拍攝璀璨嘅飛車夜景，唔知幾時拍到，未必自己演，要成就一部好戲，就要搵適合嘅演員。」
他又稱今年已拍了三齣電影，之後稍作休息，為巡迴演唱會綵排：「演員專注投入，實在係費煞思量，我白頭髮都多咗幾條。」另外，大會宣布本年「焦點影人」為中國內地女演員姚晨，而韓星林允兒（Yoon A）則擔任明星大使，至於奧斯卡影帝尼古拉斯基治除任大使外，更擔任「大師班」主講嘉賓。