陳嘉倩闖北韓驚足全程

前新聞主播陳嘉倩昨日出席活動，提到早前為ViuTV拍攝旅遊節目《堅離地》，首次踏足北韓這個神秘國度拍攝，12日行程日日心驚驚，她說：「同團有兩位男士，係旅行社老闆，但都有心理壓力，每個地方都係點對點，唔可以亂落車！平壤比我想像中繁榮，有好多高樓大廈，但靜到唔知係咪真係有住人！我哋係第一隊攝製隊入東北省，有日去咗個偏遠地方住民宿，每人分配住一間屋，成件事有啲陰森嘅，凌晨三點仲全區停電！攝製隊有啲女仔驚到走出街，我就繼續瞓。（屋企人有冇擔心？）都擔心！（買定保險？）一定有。」她又指最近報讀碩士課程自我增值，雖然兼讀但每周都要做Project，大感壓力，故每周定必休息兩日減壓。