陳曉華嘈得滯捱鬧
港姐冠軍陳曉華（Hera）、友誼小姐陳靜堯（Claudia）、余德丞與林溥來昨日到將軍澳一所小學出席活動。Hera勾起讀書回憶，自爆是曳學生：「經常都好嘈，成日畀老師鬧！（識得應付小朋友？）以前見小朋友都係醫院多，會比較難應付，依家喺學校見到小朋友覺得好活潑。」曾是小學教師的Claudia被問到是否人見人怕的惡Miss？她說：「我就覺得惡冇用，依家同小朋友相處係需要關心，要好好聽佢講，建立好似朋友嘅關係。（懷念做老師？）好懷念小朋友嘅天真，好有感染力，但依家身為港姐，就要往下一步前進。」
同場的余德丞自言仍處於半復工狀態，希望參與更多社會活動：「想做多啲回饋社會，當時我病咗喺醫院，大家一直好有心咁幫我打氣。」問到是否調皮學生？他自言個性超好動，除了游水訓練便是踢波，要勞煩父母「照顧」才能好好兼顧學業。問到工作安排？他表示公司未有安排拍劇：「我都想做綜藝節目先，帶多啲歡樂畀大家。」
