羅天宇不再輕狂為《生命》搏殺

現年31歲的羅天宇於2008年參選香港先生，勇奪少年組冠軍而入行。貴為港男的他，憑燦爛笑容奪得不少女士歡心，難怪出道多年來異性緣甚強，在感情路上更被視為「女神收割機」，身邊的緋聞對象個個都是「高質女神」。2010年他曾與華姐冠軍苟芸慧拍拖，雖然戀情只維持2年就分手收場，但已令不少男士「葡萄」！他亦曾與「宅男女神」陳瀅因合作拍劇而傳緋聞，不過最為人熟悉的是他於2015年拍處境劇《愛·回家》與飾演情侶的湯洛雯戲假情真。

與靚湯復合？

兩人分手後再見亦是朋友，早前男方31歲生日，湯洛雯亦有出席慶生派對，更大讚Joey是好男人，令人猜想有機復合，對此Joey表現大方地表示：「我同靚湯關係仍然係十分友好，大家依然會互相聯絡，關心對方，感覺好似家人一樣。」時間令Joey變得成熟，視每段感情為成長經歷：「我相信依家比以前更懂得處理，識得點樣面對壓力。」惟他指現階段以事業為重，希望把握每個機會搏殺：「以前拍拖會令好多觀眾覺得我唔認真工作，唔夠搏殺，希望嚟緊會有多啲作品出街，大家睇到我努力嘅一面，將重心放番喺事業方面。」

港男出身的羅天宇，當年參選時一臉稚氣。	羅天宇與陳瀅在新劇中演一對。	羅天宇憑處境劇《愛·回家》中馬子仁一角，成功入屋。

狂操肌減廿磅

雖然感情路上深受大眾關注，但其實Joey亦十分重視其事業發展，出道十年憑處境劇《愛·回家》中「馬子仁」一角深入民心。近日他在熱播劇《跳躍生命線》，飾演見習救護主任「譚家俊」，較以往角色更為成熟穩重，故開劇前他亦做足功課，激減20磅兼操弗自己：「因為救護員體能測試同消防員一樣 ，監製話我成日畀人感覺肥肥哋，提議我不如操大隻啲，所以我就畀個目標自己，最初冇諗過話要減20磅，只係嘗試可以減到幾瘦。喺開劇前3個月日日食雞胸加西蘭花，仲每日做Gym同每個星期打至少兩次籃球。」又透露因自己向來為食，最愛甜品，初段忍口忍得相當痛苦，不過有決心則可勝過一切。

羅天宇指前輩馬德鐘不時大搞氣氛，令他冇咁緊張。	羅天宇現階段專注事業博上位。	雖然已分手，但湯洛雯仍有為前度慶生，再見亦是朋友。

見馬德鐘腳軟

今次他首次夥拍實力派演員馬德鐘和女神陳瀅，直言最初面對二人同樣緊張不已：「我記得第一日係同馬德鐘嘅場口，真係好緊張，因為佢又高大又好有氣場，加上未合作過，所以驚到腳軟！不過佢好Nice，不斷叫我放鬆同埋會搞氣氛，令大家都喺一個開心嘅環境下工作，同埋合作幾日都熟咗，拍攝得更順暢。」

羅天宇與湯洛雯因拍劇撻着，戲假情真。	羅天宇當年與湯洛雯因流出咀嘴相而大方認愛。	湯洛雯日前在婚宴上仆住搶花球，恨嫁的她可會與羅天宇再續前緣？

孭住陳瀅濕晒

至於談到劇中難忘的場口，與陳瀅有感情戲份的Joey，透露有場要孭她行30級樓梯的場口，令他至今相當難忘：「當時係夏天，加上我係好大汗嘅人，一直孭住陳瀅行樓梯時，我啲汗已經整濕佢件衫，令我都唔好意思，但係佢都好專業，淨係叫我要操大隻啲，唔好畀觀眾覺得佢好重。」最終他雖然行足十幾次，但畫面非常浪漫，相信絕對可感動觀眾。

場地：Happy Express