胡杏兒唔識撒嬌畀老公怨

藝人胡杏兒昨日到尖沙咀出席品牌活動，被主持形容為獨立女性的她，直言12歲已到外國讀書，但試過因太獨立而被老公怪責：「話有時要畀機會佢照顧我、要嗲吓！女人要扮蠢，扮唔明啲嘢請教佢，等佢多啲成功感。」講到即將生日，將滿39歲的她笑言不想慶祝：「老公都話要搞，但我嗰日要工作，可能同姊妹飲吓嘢。人大咗冇咩所謂，最緊要一家人整齊、朋友喺身邊。（想要咩禮物？）物質唔太重要，最緊要身體健康，同最想係食極唔肥啦！（想追多個BB？）都係啊！仔女冇所謂。（叫老公努力啲！）好忙呀！都會繼續努力嘅。」