梁靖琪探訪聞慘事心痛落淚

梁靖琪

電視劇《蝕日風暴》主角之一的梁靖琪（Toby）昨日出席醫學美容活動，她透露前晚才與男友Jon從柬埔寨探訪返港，以致一臉倦容現身。今次在當地逗留一星期的她，主要為居民屋企髹油及與小朋友互動，笑指基於時間關係，手上沾有的油漆尚未清理！

2歲BB被賣初夜

提到探訪當地兒童，Toby感受深刻，當得知一名僅兩歲的小女孩被迫「賣初夜」，坦言心感難過：「啲媽咪見係女仔出世就會好開心，因為可以賣出去！其中一個14歲女仔畀媽咪賣咗畀人，佢喺酒店陪同一個客人三日，但出嚟之後因為已經冇價值，結果被賣去妓寨。雖然個女仔向慈善機構求助，但喺等待嗰22日，一共畀人『強姦』咗198次，即係每日畀9個唔同嘅人強姦，真係聽到我毛管戙。」說罷心痛得眼紅紅，她坦言現時心情尚未平復。

Toby又表示今次前往探訪因覺得很有意思，看見眾女孩受到如此不幸，忍不住即致電母親及家姐，建議稍後帶同姨甥女一起前往當地體驗。

講到柬埔寨的兒童問題，梁靖琪甚為激動。

梁靖琪希望有機會可帶姨甥女探訪，體驗貧富差距。