曾昭亮讚妹妹可愛
前港姐李美慧於上月為老公曾文豪添千金，身為曾文豪女兒的曾昭亮前晚出席活動時，大讚B女可愛，問到有否送禮物給妹妹，她說：「冇，好忙，我啱啱先返港，見過兩、三次，都算多。（同李美慧分享湊仔經？）佢都好忙，坐緊月。我囝囝都有同B女玩，我哋係Modern Family。」
而母女檔現身的上山詩鈉，透露早前返日本處理父親的身後事，又指囡囡Hilary將於下月在美國畢業，若有合適的演藝工作，也不介意讓女兒入行：「佢21歲，未知想做咩，係有人搵過佢傾拍戲，但唔係好適合。（畀囡囡拍親熱或性感戲？）一定唔會！」而Hilary則透露現時單身冇拖拍。
