梁嘉琪着阿婆泳衣𥄫肌男

無綫藝人梁嘉琪昨日出席慈善活動，剛從馬來西亞拍畢《學是學非》回港的她大讚旅程開心，笑言在水上樂園見到有胸肌的靚仔，問到她可有穿三點式拍攝？她笑說：「我哋有套制服專落水，係短衫短褲，工作人員話係阿婆泳衣。（為你而設？）我事業線短啲啫，不過呢套係我喺公司唯一着過嘅泳衣。」此行她不停食，指細細粒的鄺潔楹跟她一樣擦得，笑說：「啲男人停晒手，我哋仲食緊，食埋啲嘢仲要好麻甩，鍾意食內臟。」