藝人沈震軒（Sammy）前晚任泰拳比賽的頒獎嘉賓，他表示之前有跟師傅去泰國練拳並睇人比賽：「我都諗過出賽，不過見到人哋打到塊面見骨，都係拍戲好啲。」早前他在內地工作，自覺體能比以前差，打算再找師傅練拳：「我好沉迷健身，偶像係「The Rock」狄維莊遜，藝人嘅態度好重要，要自律。成日操，每次工作都會靚仔啲、狀態好啲，就算冇工作都唔會亂食嘢同Hea。」學拳亦有女同學，他笑言：「女仔學拳識少少係好嘅，可以保護自己同當做運動，不過唔好太勁，要有番啲溫柔。」
