方力申呻波友失蹤
藝人方力申昨日參加慈善籃球比賽，坦言入行後去籃球場比泳池多： 「我哋隊Nuts籃球隊就嚟可以搞10周年球賽，個個隊友都已經結婚、生仔！以前一個星期練一次波，依家變成一個月食一次飯。成隊超過30人，但依家湊夠5個打波都難！」並點名指隊長張繼聰已消失無蹤，忙於工作、湊女和健身：「佢要煲大自己，佢話我哋啲波衫已經唔啱佢着啦！」
此外，小方表示以大使身份出席活動，為低收入人士籌款做人工耳蝸手術及言語治療：「另一位大使係我以前游水嘅隊友，佢嘅小朋友天生失聰，做咗手術就聽到。」他認為參與慈善活動是互相提供正能量，常為不同個案感動，變得更關心社會和懂得感恩。