鄭融自認畀男友「食住」
歌手鄭融昨日出席導盲犬嘉年華活動，她稱近月多次到澳門做狗場義工，因睇新聞得悉賽狗場的500隻格力犬等候安置，在被領養前都需要義工照顧。問到可會申請領養？她說：「有入紙申請，但因為冇得揀要邊隻，所以自己鍾意嗰隻銀灰色畀人領養咗，都幾失望。」
另外，她稱新歌叫《黑氣石》，即超人最怕的東西：「係講每個人總畀一個人食住。（男友食住你？）都係，佢食住我，我食住我阿媽！其實都係人與人之間嘅一種愛。（即係你男友係黑氣石，你係女超人？）我表面係幾強，但其實係一個唔鍾意爭嘅人。」再問到之前同公司藝人在中環食飯時，被鄰枱「食客」連番揩油？她對此事顯得避忌：「之前講過唔回應，而公司都唔想我講呢件事。」