靚靚畀自由？張智霖唔敢要
藝人張智霖（Chilam）昨日拍攝廣告，被問到有傳太太袁詠儀（靚靚）不准他揸跑車？他即澄清：「冇咁嘅事，係冇車位嘅問題，我都鍾意換車 。」他稱喜歡新車，但亦喜歡經典老爺車：「曾經有機會買一架老爺車，好後悔冇買到，因為之後升值好多倍。」
他坦言擁有不少藝術品，以畫為多，那麼太太的手袋呢？他說：「只能係保值，唔係升值。」說到兒子跟隨學校到北京交流時，自行Check-in上機，對此靚靚感觸說「終要放手」，似乎要給兒子自由，對此Chilam說：「咁梗要。（畀埋你自由？）咁又唔可以，會好危險。（信唔過自己？）唔係，係關係唔同，夫妻係要放身邊，係終身伴侶。」問到會否很掛住兒子，他說：「我又冇，始終媽媽角色唔同，佢係Tiger mama。（你係Sugar daddy ?）咁佢係好Strong嘅。」