爆黃心穎事業心重 馬國明唔急結婚
藝人馬國明與羅霖昨日出席好友杜大偉有份投資的火鍋店開幕，馬國明笑言有興趣投資生意：「演員唔可以做一世，我有機會都要向佢（杜大偉）偷師，但未諗到做乜，儲吓錢先。」日前他到澳洲參加女友黃心穎三家姐的婚禮，他自爆原來新娘是其姪女的朋友。
提到心穎想早日結婚，他說﹕「佢冇同我講，佢話唔好咁快，佢畀我嘅感覺係事業上想再衝吓。」至於拍得他幫女友挽手袋，他坦言不介意：「我有時同佢出街，有人搵佢簽名，我咪幫佢攞一陣囉！我同媽咪出街都會咁做，我聽過有啲男士好抗拒，覺得好冇出息，但我冇所謂。」
問到是否乘機在澳洲秘婚？他說：「結婚係光明正大，點解唔講得？將來結婚會同大家講，我唔需要秘婚，可能有啲人有隱衷唔講得。」