麥明詩拒困獸鬥搵食行遠啲

藝人麥明詩（Louisa）、黃子恆、王君馨（Grace）、黃智賢及王梓軒等，昨日到馬鞍山宣傳新劇《是咁的，法官閣下》，眾人穿上大律師袍宣傳。法律系畢業的Louisa笑言總算實現夢想：「真係今日先有機會着，因為我演事務律師，劇裏面冇得咁着。」

黃子恆爆主動出擊

與黃子恆飾演情侶的她說：「佢好抗拒女同事，因為畀女傷過。（辦公室戀情？）好似TVB啲同事咁囉，困獸鬥！（喺『獸籠』搵到獵物？）暫時未搵到囉，勉強未必好，眼光要放遠啲，我以前都少同律師拍拖啦。（咁依家呢？）道理係一樣，眼光要放遠啲，想有唔同文化背景。」

黃子恆與麥明詩互爆秘密。

王君馨暗示與黃智賢有親熱戲。

子恆踢爆Louisa於劇中很被動，但現實中她會「主動出擊」，問到是否試過被對方主動追求？他笑言：「我係指佢工作態度。」又笑指女方可約他食飯，但會找其他人參加。

王君馨禁老公睇親熱戲

至於Grace對新劇有信心，於新劇孭重飛的她笑言進入「宣傳狀態」，會落力叫親友收看。在劇中與黃智賢及關禮傑有感情戲，問到Grace會否與老公Daniel一齊睇？她笑說：「有啲佢唔睇得喎！有親密戲，兩、三場啦。（同性Kiss唔睇得？）呢場反而可以。」