周秀娜捲錢銀糾紛呻煩

藝人張繼聰與周秀娜（Chrissie）前晚為新片《女皇撞到正》到戲院謝票，雖然連跑幾場但未見疲態！阿聰坦言最緊要口碑好，問到太太謝安琪可有捧場？他說：「佢睇咗初剪，評論唔使佢講啦，淨係話鍾意已OK，反而個仔睇完話有個位係喊，真係唔似我，覺得佢原來幾浪漫。」又指破紀錄同時有三部作品上映，問到會否已忘記歌手身份？他笑指現時唱歌已變成私有化：「沖涼時會唱，或者一啲周年晚宴囉！」
周秀娜捲入錢銀糾紛，精神上大受困擾。
周秀娜捲入錢銀糾紛，精神上大受困擾。

而Chrissie被問到與經理人的錢銀糾紛，她表示一切還在進行，已交律師處理，故不便多談。問到可有信心討回款項？她說：「都係交畀律師！（好困擾？）係煩！但暫時都冇太大影響。」此外，有份參演的邵音音日前現身旺角街頭大玩Busking，但全程站在海報後懶神秘，吸引大批市民圍觀。

張繼聰與周秀娜等連跑幾場謝票。
  • 張繼聰與周秀娜等連跑幾場謝票。