賊傭光顧？鄭敬基累朋友失幾千

藝人鄭敬基（Joe）昨日與太太Angie一同拍廣告，問到夫妻檔上陣酬勞可會多些？他說：「多謝客戶覺得呢個廣告好適合我哋，因為太太好注重健康，例如會種菜、自製洗頭水，呢排又自製益生菌幫我降膽固醇。」提到被印傭偷竊一事，他自爆原來朋友也遭殃：「真係冇諗過有咁嘅經歷！經過今次之後，真係『防傭之心不可無』。有朋友見到我呢單新聞先講，原來佢當年喺我度住時唔見咗幾千蚊，懷疑係我個工人偷！佢都真係好兄弟，依家先出聲。」又笑言媽媽首次去當舖贖回物品，現時在妹妹陪伴下往多倫多散心：「等佢平復吓心情，佢話之後唔想再請工人。」