莊思敏為口碑做阿嬸都制！

藝人莊思敏前晚與譚俊彥、岑杏賢及黃百鳴等出席晚宴，她透露有份投資的《逆流大叔》口碑與票房都很好：「所以嚟緊想做多啲出品或統籌嘅工作，依家都有劇本喺手，但一個人力量有限，希望可以搵多啲公司一齊搞。」又坦言《逆》片有賺錢：「但最緊要係個口碑，令人知道香港仲有港產片。」不過未知會否拍續集，記者打趣開拍《逆流大嬸》，問到可會做主角？她笑說：「梗係會啦！」
莊思敏有意轉型做幕後，擔任電影出品人。
莊思敏有意轉型做幕後，擔任電影出品人。

譚俊彥則透露最近放假忙湊仔女，又呻女兒比較曳，識講大話，但很喜歡唱歌跳舞：「我好驚佢話會入行。（唔想佢入行？）辛苦嘛！」問到可有廣告商找父女檔上陣？他坦言有：「但小朋友細個都係讀書好啲，唔好咁快接觸太多虛榮嘅事。」

港姐三甲鄧卓殷、陳曉華與丁子田盛裝出席。
  • 港姐三甲鄧卓殷、陳曉華與丁子田盛裝出席。
譚俊彥指女兒有表演欲，但不希望她入行。
  • 譚俊彥指女兒有表演欲，但不希望她入行。