做十次姊妹「退休」李亞男教上堂御夫？
姊妹團由李亞男、王君馨、岑麗香、伍詠薇及倪晨曦等好友組成，「處女黨」成員的李亞男挺着7個月大肚受訪，透露已做了10次姊妹，故宣布正式「退休」：「做埋呢次，我啲姊妹已經嫁晒，所以都完成使命，肚入面嘅囡囡就第一次做花女。（會教苟姑娘點做人妻？）一陣會有少少分享。（教埋御夫術？）之前我哋有見婚姻輔導，都介紹埋畀一對新人，佢哋好努力，上堂多過我同祖藍。」
香香表示擔心晚宴會感動到喊，故已帶定紙巾傍身。而王君馨被問會否教苟姑娘如何掌管老公財政？她笑指對方很多興趣，理應教她如何儲錢，對於姊妹團獨欠鍾嘉欣，她說：「我哋有一直傳相畀佢，一陣都會同佢Facetime，影相都留個窿畀佢Key落去。」她更在自己社交網寫上「#Bye Bye處女黨」，至此，處女黨正式解散！
至於伍詠薇被問會否唱歌助興？她搞笑說：「我叫我老公唱，我老公係蔡一傑，先生係練海棠。」