藝人馬浚偉主持的社會紀實節目《同理·繼續走》日前進行拍攝，更代表出席「精盟」（精神病康復者聯盟）舉辦的一個戶外流動車真人圖書館活動，與一班精神病患者及情緒病康復者齊齊玩遊戲及唱歌。

馬浚偉表示：「雖然天氣炎熱，但大家都唔介意被曬到，積極投入活動，現場亦有唔少街坊支持打氣，場面熱鬧又溫馨。我仲參與咗一項壓力測試，喺0至28分範圍內得到9分，證明自己冇乜壓力。希望大家都可以多份同理心，以平常心去看待精神病及情緒病康復者。」曾患情緒病的他，坦言深諳箇中痛苦艱難，特別感同身受，明白心靈健康的重要性。