蔡一傑日文歌獻阿梅

歌手蔡一傑昨日推出新唱片《ONE》並到電台宣傳，好友兼「鐵粉」伍詠薇驚喜現身送上香檳預祝其唱片大賣。他表示碟中有一首日文歌，專程到日本拍MV，最開心是見到當地的新聞也有介紹：「係人生新一頁開始，希望陸續有嚟，會有自己嘅音樂會，到時搵伍詠薇做嘉賓。」他表示選在10月10日出碟是因已故師傅梅艷芳的生日：「籌備呢份禮物兩年，份禮物代表我嘅心意，我諗阿梅收到嘅，話畀佢聽我仍然好積極去做音樂，冇令佢丟架。佢好鍾意日文，所以唱日本歌送畀佢。」