「電競女神」姚紫茵遇賤男裝Cam拍床事

模特兒兼演員姚紫茵（Bonnie）近年落力打機，望以「電競女神」身份吸納更多男粉絲，問她會否打機爆粗？她笑說：「初時怕太粗魯影響形象，不過啲人話反而會覺得好真實。（着比堅尼打機？）未必，但會着得低胸少少。」她又表示有堪輿學家指其名字與八字不夾，經常遇人不淑，故最近會改名「姚琰欣」：「之前遇過嘅男仔有啲背住我有第二個，有個拍咗拖半年後一齊住，發現佢喺床頭裝咗攝錄機，鏡頭對住張床，我估想偷拍我換衫同床事，跟住就分咗手，好在發現得早，乜都冇拍到。我唔會拍床照，女仔要學識保護自己。」她又自爆試過有變性人邀她上床：「佢係我喺泰國嘅朋友，有次飲多咗，話想同我發生關係，嚇死我，但第二日問番佢，佢話唔記得。」