喬寶寶娶新抱心急抱孫
喬寶寶的大仔Inderpal於香港設婚宴，他笑言要多謝父親28年前因為環保沒有「戴袋」，所以才生了他。寶寶則讚兒子生性，現時成家立室，自己疊埋心水等做爺爺。
藝人喬寶寶的大仔Inderpal與醫師太太Manjit早前結婚，昨晚於九龍灣一間酒樓舉行婚宴，筵開40席，出席藝人包括胡楓、陸詩韻、吳國敬、阮兆祥、楊詩敏（蝦頭）、郭秀雲、羅敏莊及陳偉琪等。新任老爺喬寶寶開心到滿場飛，更帶領兒媳齊齊受訪，三人穿着印度傳統喜慶服飾，兩仔爺上身都以綠色為主，下身則是金色，喬寶寶笑言：「因為我哋係環保團體！」兒子即接話：「多謝你囉！咁環保！因為28年前你冇戴袋（安全套）嘛！」喬寶寶見兒子成家，坦言好感動：「2013年太太到蘇格蘭，大仔兼埋爸爸嘅責任，經常帶細佬睇醫生，但完全冇怨言，拍拖都不忘照顧屋企、父母，佢好好，我好感動，依家就等做爺爺。」提到婚禮賓客都是喬寶寶的朋友，他笑言：「阿仔話以為我重婚。」
蝦頭與舊愛到賀
到賀的蝦頭與經理人邵子風表示與喬寶寶相識多年，更指對方一年前已通知他們喜訊，故邵子風為蝦頭推了三個Job才能出席。對於早前蝦頭在社交網分享性感泳照，邵子風笑言與對方分手後「好耐冇睇」，偷偷睇完都有遐想：「睇完成晚瞓唔着。」而陸詩韻被問到感情生活，她說：「唔急，朋友都唔會催我，因為催到厭，追求者都有，但自己採取審慎態度。」而陳偉琪指第一次於香港出席有印度Feel的婚宴，大讚特別。
