林若盈清一色「粉皮」
東網巨星節目「六福珠寶特約」《巨星Pet Pet》，每集均請來藝人分享與星級「萌寵」相處之道，今集由樂壇新人林若盈介紹家中的英國短毛貓「粉皮」，一歲九個月大的牠自小對白色物件情有獨鍾，她說：「唔知點解，佢好鍾意白色嘅嘢，好似啲玩具唔係個個都感興趣，唯獨係白色嘅先會寵幸，我試過買其他顏色嘅玩具畀佢玩，佢一啲興趣都冇，睇都唔睇就行開。」
雖然林若盈百思不得其解，但「粉皮」有此「癖好」亦非壞事，自此所有玩具及用品「清一色」，她又指「粉皮」歎美食時有獨特表現：「通常貓貓變咗『飛機耳』代表處於驚恐狀態，但『粉皮』每次食零食時，個樣都會好享受，就會出現飛機耳，我成日都笑佢係騎呢貓，同其他貓貓完全唔同。」想知「粉皮」的趣事，大家可透過東網App及東網網頁，隨時隨地免費收看及重溫。
https://bit.ly/2OgHmWI