朱慧敏「惜食」監督朋友叫餸
藝人朱慧敏前晚悉心打扮出席以惜食為主題的慈善晚宴，她表示平日會「食幾多、煮幾多」，與朋友外出食飯都負責監督，避免浪費食物，並說：「平時會去寺廟做義工，過時過節派吓啲物資畀有需要嘅人。除咗物質外，我都會分享多啲正能量畀身邊人，希望個世界都開心啲。」另外，她透露早前忙於在內地工作，現時會多些留港，並希望有機會拍劇會港迷。
同場的歌手關心妍指囡囡楊榮心熱愛唱歌，並說：「佢依家成日都唱好多我唔識嘅兒歌，我唔想掃佢興所以扮識，之後再問番啲媽媽究竟係咩歌。我依家都要聽多啲兒歌惡補一下。（有冇畀佢聽你嘅歌？）有，同埋主要畀詩歌佢聽。」
