方皓玟斷餵人奶愧對囝囝
歌手方皓玟生B後三個月正式復工，前日一口氣連踩兩場活動。她出席電影首映禮時笑言放了很長的產假，但失望指因工作不便已經斷餵人奶︰「係有少少失落，覺得好似對唔住BB咁，但醫生都話奶粉嘅營養價值高，BB一轉食奶粉就肥咗好多，成隻叮噹咁。依家出嚟做嘢都會掛住佢，不過我都仲係好新手，抱得佢唔太舒服成日喊，但呢個新階段係幾幸福。」
她表示有意為兒子搞百日宴，可乘機與朋友食飯，並指囝囝似她：「塊面都係圓咕碌。（老公有冇話再追多個？）唔追住啦，要做嘢，生咗個都好開心。（你老公係日本人，鍾意大家庭？）佢冇呢個要求，可能佢體諒我做嘢，知我熱愛工作。」又透露囝囝現時學轉身，主要講英語與BB溝通。