王祖藍高矮懸殊企木箱咀祖兒

王祖藍首次執導的賀歲歌舞電影《你咪理，我愛你﹗》前日於大埔拍攝，他邀請小學同學容祖兒飾演其中一個單元故事的女主角，戲中二人有接吻場面。祖兒事前大呼緊張，祖藍則笑言會隨機應變，問到有否向太太李亞男備案？他說：「我未話畀佢知。」祖兒即問：「唔係擔心我呀？我喎！而且係我識你在先。」他答：「佢咁先擔心，我哋感情深厚，結咗婚望一眼其他人都唔得o架！」

花兩日排舞

拍攝前，他不停與劇組溝通，笑言不想為難祖兒，務求不用重拍。由於二人身高有差距，劇組特別安排一個木箱給祖藍站上去錫女方，最後一Take完成。

除了咀戲外，前日二人拍攝了一場與八十位舞蹈員跳舞的場面，祖藍稱該場戲是片中最大的場面，然後望着祖兒笑說：「我將公司所有資源投放喺你身上。」而祖兒坦言為該場戲花了兩日時間排舞：「我頭先胃痛，真係有少少緊張，咁多舞蹈員，唔想浪費大家時間，想準繩啲，而且我好耐冇對鏡頭演出。祖藍第一次做導演，我真係好戥佢開心，所以我會盡力去做，唔想有遺憾，佢一叫我拍，我即時答應，唔使諗。」

出名細粒的祖藍，要站在木箱上才錫到祖兒。	祖兒拍攝時經常彎腰遷就祖藍。	祖兒特別花兩天時間排舞拍攝「大場面」。

滿意表現

祖藍大讚祖兒勤力，對其表現大感滿意﹕「佢跳舞揮灑自如，佢之前花咗一日時間為套戲錄歌，我聽到眼濕濕。」