陳奕迅「扭籮」打波輸畀李娜
陳奕迅（Eason）昨晚在維園為「保誠香港網球公開賽2018」的「星級名人賽」與中國傳奇球星李娜對壘進行雙打，Eason父親陳裘大與好友梁漢文前來捧場。司儀搞笑地介紹Eason出場：「佢係香港非正式排名第一網球員，因為髮型被誤認為張德培。」
Eason進行比賽時，球技平平但表情多多，勝在夠娛樂性，在看台上的梁漢文叫他打波時要「扭籮」，Eason即打了一球好球，惟最終仍輸給李娜，他願賭服輸現場唱出《天下無雙》，李娜又送上簽名球拍。
其後Eason表示幾年前與李娜已展開網上友誼：「嗰時佢第一次喺法國網球公開賽攞大滿貫，我微博私信畀佢同佢打氣，跟住大家交換咗聯絡電話，李娜仲叫我去武漢時打番場，我仲識另一位網球員鄭潔，仲打過波，雖然佢唔夠我高，但佢打過嚟嘅波，我要退後三步，真係好勁！」對於被笑指是香港非正式統計網球員第一位，他笑言不介意，問到是否唔知醜？Eason說：「唔知o架！知就唔會喺咁多人面前扭籮啦，最衰飲咗梁漢文支水，所以咁聽佢話。」他發誓要苦練網球，因為約好明年再較量。