劉佩玥:低調唔等於隱瞞

劉佩玥與緋聞男友周志文早前被指遊船河在浮床上激咀,她昨日出席宣傳時否認,稱是角度問題,並繼續不承認拍拖,強調與周志文是好好的朋友,他更不是「兵」!

無綫藝員劉佩玥、何廣沛、張曦雯及陳瀅等昨日在油塘為新劇《跳躍生命線》宣傳,劉佩玥早前與緋聞男友周志文遊船河時被指情不自禁激咀,戀情浮面,劉佩玥否認:「角度問題,唔係驚回應,只係想低調處理。自己唔係好蠢嘅,都知道嗰日開Happy Live,又點會做啲咁樣嘅嘢呢!」

「唔使公開關係」

問到是否想低調處理戀情?她說:「唔需要用娛樂嘅角度去回應,低調唔等於隱瞞。(係咪拍拖?)只可以話我哋嘅關係好友好、好Friend,成日畀人話身邊男仔朋友係兵,佢唔係兵,係我好好嘅朋友,女仔同男仔做Friend都唔係好怪嘅事。(點解要咁低調拍拖?)唔係,係唔使同所有人公開身邊人嘅關係,唔想工作同訪問每一次都講呢啲嘢,如果係拍拖,好穩定,有感情基礎先公布,我對關係好認真,同咗父母講先再同大家講。(見家長未?)冇呀,拜年先再考慮。」又透露近日與周志文及友人仍繼續相約去沙灘。

何廣沛屢「撞樣」

陳庭欣近日回應劉佩玥與周志文戀情似默認兩人拍拖,隨後劉佩玥在ig發表「小人論」疑似表達不滿,她說:「大家諗多咗,我有留意佢回應,如果係我會叫記者問番當事人,我嘅說話唔係針對佢,但係有啲人鍾意道聽途說,只係抱不平去講。(陳庭欣多口?)每個人都有發言權,我尊重嘅,我哋亦係好朋友。」

至於何廣沛對於被指與陳家樂「撞樣」,他也覺得有點似,但不會尷尬,還指與黃嘉樂、胡鴻鈞也似樣。