陳柏宇餵父乳B女醒水拒啜

陳柏宇（Jason）的太太符曉薇（Leanne）在社交網上載半裸老公的湊女片，留言：「畀自己乳頭個女，好彩個女唔理佢」。片中見Jason弄女為樂，但今次並非玩溫馨而是「大整蠱」，他將囡囡Abigail的頭仔貼近自己乳頭，似乎想親身體驗太太日夜餵哺人奶的辛勞，以及跟寶貝女有最親密的接觸，只是醒目B察覺到「奶嘴」有異，突然一手推開Jason，慘被囡囡「彈鐘」的他和太太一齊笑爆嘴，片尾是他情深深款款望住BB。

貓狗錫晒BB

昨日Leanne受訪，被問到老公是否好「變態」，她說：「係，佢係！」Jason則表示不覺哺乳行為「變態」，反而「幾得意」，直認是想感受做媽媽：「睇過文章係講男士哺乳，話呢啲係同BB嘅聯繫，同埋有啲BB唔係想食奶，只想啜吓乳頭或奶嘴，會覺得有安全感。」又說扮哺乳前，他有沖涼，所以不用為BB擔心。而Leanne未誕女前，Jason曾鬧出「棄養」愛犬風波，兩夫婦連日來為證BB可跟家中貓狗共融，上載了愛貓似錫BB頭仔以及狗狗瞓住陪Abigail食奶的照片。

樂嫂抱仔約會

此外，余文樂亦上載太太孭仔相，更大特寫近五月個大B仔無意間舉起中指，阿樂用哈哈笑emoji笑囝囝。而「樂嫂」王棠云則抱埋B仔與友人聚會。