黃翠如情侶檔矯視一眼睇晒！

藝人黃翠如與江欣燕昨日出席白內障宣傳活動，翠如透露曾與男友蕭正楠相約做激光手術處理近視問題：「嗰時拍拖冇耐，兩個人一齊去做手術，諗番都幾Sweet。我只有一隻眼要做矯視手術，佢就兩隻眼做晒，最後兩個人得一隻眼咁搭的士返屋企！」
黃翠如着短褲仔騷美腿，夠晒青春。
黃翠如着短褲仔騷美腿，夠晒青春。

而江欣燕曾患白內障，大呼失去自由：「當時車又揸唔到，雙白線變咗六條，一粒鑽石都變三粒，讀劇本啲字好似識飛出嚟咁！」最終她接受手術，更學懂保護眼睛，認為有問題應盡早治療。

黃翠如、江欣燕先後做過矯視手術。
  • 黃翠如、江欣燕先後做過矯視手術。