姜濤自捽變豬鼻力證純天然

ViuTV選秀真人騷《Good Night Show全民造星》十強剛從美國受訓返港，昨日現身電台接受訪問，19歲「小鮮肉」姜濤與Anson Kong指受訓行程緊密，搞到唔夠瞓令皮膚變差。姜濤早前被爆曾拍拖及整容，真人騷節目監製花姐與Anson即場為他驗面，他亦出力自捽變豬鼻，力證冇整容！他又解釋「拍拖」一事，不禁呻丟架：「嗰個女仔我都鍾意，朋友起哄話佢都鍾意我，結果佢話係同其他人夾埋玩吓！（冇下文？）淨係拖住手過咗條馬路，食飯睇戲都冇。」又坦言最不開心是被舊朋友指是內定冠軍，他則對賽事抱平常心。至於花姐強調冇內定，還不避嫌指最欣賞Lokman與Ian，承認曾向公司提出另組男團：「做阿媽生完個仔都想佢有書讀。」