碧咸自爆監控兒子上網

碧咸

為友邦保險公司（AIA）擔任全球大使的碧咸（David Beckham）前日完成北京工作即來港，昨午出席AIA以「健康生活」為主題的活動，行程忙爆的他自言平日亦有感到壓力的時刻，猶幸可以過想過的生活，還賣口乖表示能夠以代言人身份參與是次推廣，感覺好自豪。

大仔出Post問意見

分享日常生活時，碧咸提到4名仔女，自爆被仔女(目及)到實，例如孻女夏柏舒芬（Harper Seven）有次練習體操時見他正玩手機，即問他何以只顧玩電話不留意她？他即表示正與媽咪Victoria視像通話。被問到父母應否管制仔女用社交網，他坦言很多父母都會擔憂，他亦不例外，會為保護子女而作出監控：「除了19歲大仔布魯克林（Brooklyn Beckham），我會監控兩個細仔嘅社交網活動，不過大仔有時出Post前，都會問我嘅意見。」認真乖仔！

忙到要食蕉頂肚

見慣風浪的他笑言帶細路返學是個挑戰，更自爆有時為子女準備早餐後才發覺自己未食：「惟有食仔女食剩嘅嘢，有時食隻蕉醫肚就算！」活動上，碧咸除公布保險公司對客戶的新承諾，又即場簽承諾書答應「每日微笑，與家人食晚飯時將手機關掉」！活動後他轉到中環海濱坐摩天輪飽覽香港風景，吸引大批工作人員集郵。他受訪時透露只留港一晚，不過大讚「摩天輪之旅」勁正。此外，他又抽空與33位小學生見面，入鄉隨俗整燈籠慶中秋！

「萬人迷」碧咸嚟喇！到中環坐摩天輪。	碧咸對子女上網十分在意，承認有監控。	碧咸來港在保險公司活動中簽承諾書。
碧咸在北京迎月，之後即趕來港過中秋。