安德尊奪員工獎完美告別《都市閒情》
超過26年歷史的無綫長壽節目《都市閒情》下星期將「升呢」改革成新資訊節目，昨日眾主持為節目最後一日開廠錄影，安德尊更獲得傑出員工獎項，成為開台以來首位得獎藝員，認真威水，為節目畫上完美句號！
《都市閒情》主持安德尊、宋芝齡、彭慧中、章志文、姚嘉妮和張景淳等昨日在中秋節玩燈籠和食月餅慶團圓，最後一天為節目錄影。安德尊昨日更接獲好消息，成為無綫開台逾50年來首位藝員獲得傑出員工獎項，他說：「TVB開台以嚟未試過有藝員攞呢個獎，最初知道提名參加，以為會落選，希望以後多啲演員朋友攞到呢個獎。得到內部同事認同唔容易，真係覺得好榮幸，雖然提名人保密，但我都希望可以搵佢出嚟，哈哈！」
轉模式沒不捨
為《都》主持超過12年的安德尊被問到可會不捨？他說：「又冇乜特別，因為都係轉模式，之後都係呢班人、呢個廠做，基本上一樣。」宋芝齡亦沒有不捨，認為新節目主要加強資訊性，好像早前到元朗一間有機水產養殖場拍攝，除了介紹食物，還介紹魚類養殖環境及飼養方法，內容更豐富。
憑主持節目而成為網民女神的彭慧中很期待新挑戰：「新節目會多啲食玩、流行元素，層面更廣闊，由細路到長者都會兼顧，主持方面會個人化，我會負責多啲扮靚、健康、運動嘅介紹。」
張景淳回歸劇組
效力年多的張景淳吸納不少師奶粉絲，亦趁節目轉型暫時離隊回歸劇組：「好唔捨得，公司想我主力拍劇，節目同拍劇時間上有衝突，惟有暫別。」姚嘉妮則不捨得廠景：「除咗廠景同節目名會轉，其他都冇乜大改變，希望新節目畀到觀眾新鮮感。」