朱晨麗與前中華小姐冠軍朱璇情同姊妹，日前朱璇在歐洲秘嫁內地富二代，前日朱晨麗就在社交網上載兩人在街邊篤魚蛋的自拍照，祝好友新婚快樂：「雖然我有工作喺身，去唔到現場親自見證你哋神聖嘅一刻，但係我嘅心永遠都同緊你一齊，祝你哋白頭偕老早生貴子。話畀你嘅佢聽唔准蝦你，特技人嘅拳頭好硬o架！你咁鍾意篤魚蛋，知你肯定好掛住篤魚蛋嘅日子！」相中兩位宅男女神齊齊在街邊食魚蛋，而非名貴餐廳，相當貼地！