袁偉豪脫髮喊驚 黑芝麻當飯食

袁偉豪經常剃頭及黐頭套拍劇，怕影響髮質。

加入無綫10年，袁偉豪直言試過剃頭及黐頭套，亦有段時間夏天瘋狂揸電單車流汗，都是男性脫髮的起因：「會做多啲護髮工夫，同埋會帶黑芝麻喺身、食嘢撈落去，依家我無論個人或頭髮，都有重生感覺。（長髮定短髮旺你？）兩種髮型都試過，但對我嚟講冇關係，心地好就得，做人最緊要開心。」

雨僑憂做白髮魔女

雨僑則自爆家族有白髮遺傳：「我公公、婆婆係長洲嘅白頭公同白頭婆，我29歲已經發現有白頭髮，即刻食保健產品。」由日本旅行至返港，她都「引來」颱風，難怪她笑說：「10號風球嗰日，我同老公輪流扯實露台隻門，後嚟索性執埋家當入房暫避。（有損失？）冇，不過我長洲仲有親戚，同埋有間小餐廳士多，吹到散晒！」

雨僑由日本旅行至返港，都先後經歷颱風。

雨僑（左起）、袁偉豪及趙希洛分享護髮心得。