趙頌茹肚凸凸疑有喜：係自己衰！

藝人趙頌茹（Yu） 昨日出席「apm奇幻藝術花燈庭園記者會」迎接中秋節，向來纖瘦的她，穿上一襲緊身紅裙時，下腹微凸，難免惹人懷疑有喜，她解釋說：「你哋唔好諗太多！係自己衰，同個女喺屋企不停食零食搞到肥晒，真係要減肥先得！」

一年買一次玩具

阿Yu稱農曆八月十五是大女的生辰，對她來說分外有意義，自言小時候中秋愛玩蠟燭的她，現在做了媽媽之後，每逢佳節，最想是陪在自己媽媽身邊傾偈。問到大女8歲生日可有特別要求？她說：「係喎！佢年初嗰時有同我講生日想去玩具店買玩具，差啲唔記得，我會帶佢去，咁一年先買一次玩具，想買乜就乜啦！」

細女打風想開窗

早前超強颱風襲港，阿Yu與兩女待在家中，因風勢太強連她也感覺害怕，反而兩個女唔識驚，細女還嘗試開窗，被她罵了一頓：「小朋友好無知，大人就識驚。」 因颱風過後街上滿是斷樹枝和垃圾，她曾想過帶女兒落街幫手執垃圾，但想到她們年紀還小，最後打消這個念頭。