徐小鳳個唱晒「婚照」！
殿堂級歌手徐小鳳共六場《金光燦爛徐小鳳演唱會2018》，原定16日的尾場受超強颱風「山竹」影響，順延至前晚在紅館舉行。當獻唱《風的季節》的「吹啊吹，讓這風吹」時，她搞笑地與觀眾合唱：「我哋一齊將『山竹』趕走！」又指早上看到樓下有十棵樹被吹倒，笑言想過着波波裙搭直升機吊威吔來紅館，並主動解釋官網遲遲未有公布尾場的安排：「開咗好多次會，直到最後一分鐘紅館真係畀咗一日我哋。」
席上，徐小鳳邀請兩位靚仔上台為她除披肩，當聽到一名自稱小龍時，她即抵死地說：「Hello小龍，我是小鳳！」除了硬拉香港中文大學前校長沈祖堯合唱外，又與「寶島歌王」青山及「急智歌王」張帝繼續互動搶鏡。現場播出她與青山年輕時的合照，因同穿紅衫笑指似婚相，又利申冇整容。徐小鳳為免張帝呷醋與他握手，最後三人合唱《喜氣洋洋》。