周勵淇錯失花球揼心
周勵淇剛從上海工作返港，雖然避過颱風，但遺憾缺席好姊妹卓韻芝的婚禮，更因在「冇對手」的情況下錯失接花球的機會，大嘆可惜。
藝人周勵淇（Niki）、黃芷晴與曾樂彤等昨日在中環出席剪綵活動。剛從上海返港的Niki，避過颱風「山竹」襲港：「航班延誤咗個幾兩個鐘，喺上空盤旋咗成個鐘睇夜景，都好驚屋企爆玻璃、滲水，但好彩冇事。」
因到上海工作，Niki遺憾錯過了當卓韻芝姊妹送嫁：「收帖前已經接咗工作，好難推！我都有同佢講好遺憾，遲啲會食餐飯。唔緊要啦！佢拍拖又快，結婚又快，我諗生仔都好快，好快就百日宴！」又笑言連十拿九穩的結婚花球也錯過了：「班姊妹個個都結咗婚，係差我同阿Sa（蔡卓妍），阿Sa都話佢結過啦，應該係留番畀我！唔緊要啦，我哋兩姊妹邊個結先都好，都希望佢快啲結婚。」並指暫時未有對象，感情順其自然。
黃芷晴等男友求婚
提到主演的劇集《再創世紀》熱播中，惟內地成績未如理想，Niki說：「未知收視，希望打風會多啲人喺屋企睇電視。至於內地收視唔太清楚，好享受拍攝過程，劇集亦係近年少有大製作。」又指會關注網民意見，無論善意還是惡意都一一接受。
同場的黃芷晴早前親自下廚煮西餐，為父親黃日華慶祝生日，問到爸爸可有催婚？她表示沒有，但就準備好等男友求婚，又指母親早前幫她睇定嫁妝，但不覺得被催婚，媽媽只預告將來傳承的首飾。